المساعدة والأسئلة الشائعة

افتح المتجر أو المنتج، ضيفه للسلّة، اضغط «اطلب»، عبّي عنوانك ورقمك، وأكّد. بيوصل الطلب للتاجر فوراً وبتقدر تتابعه من «طلباتي». الدفع عند الاستلام.

اضغط «افتح متجرك»، اختر نوع النشاط، عبّي اسم المتجر ومعلوماتك، وضيف منتجاتك. متجرك بيصير جاهز خلال دقائق مع رابط وكود QR للمشاركة.

صفر عمولة على المبيعات، بكل الخطط — الزبون ورقمه والربح كلّهم إلك. الخطط المدفوعة بتشتري شاشات الإدارة (نقطة بيع، تقارير، مخزون وغيرها)؛ صفحة الأسعار بتقلّك شو بتضيف كل خطّة وقدّيش بتكلّف.

كل متجر منراجعو قبل ما يظهر على Matjar، بأي خطّة كان. شارة «موثّق» مراجعة تانية أدقّ لأوراق العمل — ولسّا ما حدا أخدها، يعني ما في ولا متجر على Matjar حاملها اليوم.

قسم إعلانات يقدر أي مستخدم ينشر فيه — تبيع وتشتري بسهولة. تقدر تحفظ بحثك ويوصلك إشعار أول ما ينزل إعلان يطابقه.

من صفحة حسابك اضغط «فعّل الإشعارات» واسمح للمتصفح. بيوصلك تحديثات طلباتك، عروض اليوم، وتطابق بحثك — حتى لو الموقع مسكّر.

حالياً الدفع عند الاستلام (كاش)، مع إمكانية التواصل والطلب مباشرة عبر واتساب مع التاجر.

إي، التصفّح والشراء مجّانيين تماماً. وفتح المتجر كمان مجّاني: بلا اشتراك بتحطّ 3 منتجات وبتضلّ تاخد طلبات وحجوزات، وبلا عمولة على مبيعاتك. الخطّة المدفوعة بترفع عدد المنتجات وبتضيف شاشات الإدارة.